以為平衡輸出領導著現今便攜音響的路？EarMen就本著自己風格去俾大家感受一下單端帶來嘅樂趣。

聲音好與壞不是單看制式，而是製造者的調音和用户的配搭。有品牌忠於自己的理念，Chord 到現在沒有出過平衡輸出的産品，HUM對聲音和Less is More的理念，而EarMen則是堅持風格，其創辦人Mr. Milomir同時都係Auris Audio嘅始創者，已經有開發音響經驗，現在進軍便攜市場嘅領域，可以講話駕輕就熟。音樂獨具歐洲味的調音，塞爾維亞製造的TR-Amp會講俾大家知什麼是歐陸風味。

高保真傳統風

TR-Amp規格：

解碼晶片：ES9038Q2M

耳擴晶劃：TI TPA6120

支援解碼：PCM 384kHz、DSD256（DoP）/ DSD128（Native）、MQA

電池：3,700mAh

續航：約 10 小時

耳機端子：3.5mm、6.3mm

其他端子：USB-C（DAC）、USB-C（充電）、RCA Audio（輸出）

體積：129 × 66 × 33mm

重量：240g

TR-Amp係一個解碼耳擴，DAC採用ES9038Q2M SABRE，對聲音質素同還原度有相對保証，達到高保真效果。

傳統的單端輸出：6.3mm和3.5mm

不單如此，其特别之處係有一組L和R的RCA Line Out輸出，仲有兩個模式選

DIRECT / PRE OUT

等用家可以配HiFi系統也好，便攜系統也好，都能夠俾用家可以揾到適合嘅放大器/耳擴夾埋一齊去玩，令到可玩程度大大提高，以TR-Amp做前級的做法，令用家可做多種配搭。

MQA解碼

TR-Amp 不單係一部解碼耳擴，佢仲可以解到MQA。在電腦上可以輕鬆地解MQA檔或在串流平台的Tidal內的Master歌曲，不過如果用手機的話便不能直接用串流apps去享受MQA，而要用USB Audio Player Pro內置的Tidal Plugin去實行，詳情不便在此文講解了，如有興趣可以去Facebook群組 “WEM本地耳機及音響交流區”睇下點樣去實踐手機串流解MQA方法丫。

因為佢太多聲音嘅組合，所以會以組合形式去講TR-Amp聲音嘅特性：

Shanling M3X + TR-Amp + Meze 12 Classics V2

以單一部耳擴已經有足夠能力推動Meze 12 Classic V2，其實單機M3X都已經夠，不過有TR-Amp加持之下，低頻明顯有加乘同能量感大大提升，相比起無加耳擴個音場有明顯立體同濶澤。音場有橫向加乘，高頻會去得再進取，超高音位更加賦與剌激感。人聲部份清淨度和尾音伸延增加。

Shanling M3X + TR-Amp + Cayin C9 + Meze 12 Classics V2

三頻會比較平均，下潛穩而實淨。分離度高，定位正宗同埋清晰。如果TR-Amp用Line Out的話，低頻會有點散，速度會比較慢，但中和高頻會顯得相對比較突出同剌激。C9選High Gain/Tube Mode/Class AB放大。

TR-Amp（Direct）+ HUM MA-1S（Mid Gain）+ ERUA TAWA + Unique Melody Mark II

用TR-Amp Direct加MA1S的Mid Gain的配搭效果表現最佳。低頻的下潛相對其他模式較深和有能量，整體平均而人聲有一點點突出，分析力在中頻和高頻表現較好，不會搶耳和剌激。音場呈圓形，不算太闊。高頻有聽得到進一步的伸延感和剌激度。

總結

TR-Amp本身聲底係中性得黎又帶有分析力，並非一貫ESS作風帶點乾同冷感，人聲有一點點突出，高頻有其剌激感同帶有一點華麗取向。低頻係快速有力型，下潛十分之紮實，結象十分之清晰。力水其實都可以應付大部分IEM和某類大耳牛。造工紮實，續航力高，再加上係有歐洲製造（塞爾維亞）。如果想揾一部好方便，又可以拎出街又可以家用，又自帶解碼功能，可以玩串流MQA的耳擴，仲有一個重點係佢有Direct（Lineout）同Pre Out嘅功能，不但可以玩多好多種聲音/同音質，將佢用作好似Hifi前級，再駁後級。呢一類玩法實在係發燒友嘅恩物！